Пачынаем новы год з праекта! Далучайцеся!

Быць Беларусам —

Гэта значыць

Свайго ні гуку не забыць,

Усё чужое перайначыць,

Каб Беларусі вечнай быць!

Быць Беларусам —

Гэта значыць

За родны край згараць на дым,

Па-беларуску чуць і бачыць

На гэтым свеце і на тым.

                                             Р. Барадулін

Паважаныя нашы калегі і чытачы! Мы з радасцю паведаемляем, што наш праект "Беларусь літаратурная" набыў падтрымку Мінскага гарадскога інстытута развіцця адукацыі і атрымаў афіцыйны статус. Мы запрашаем да ўдзелу ўсіх зацікаўленых з тым, каб давесці распачатае да лагічнага завяршэння і стварыць поўнамаштабную інтэрактыўную карту беларускіх пісьменнікаў ХХ-ХХІ стагоддзяў.

Google-карта

Тэрмін рэалізацыі праекта з 13 студзеня па 21 лютага 2023 года.

Што робім? Рухаемся па алгарытме:

1. Прагледзьце прыклады метак, што ўжо ёсць на карце Google-карта
2. Упэўніцеся, што выбраны вамі аўтар яшчэ не прадстаўлены.
3. У пошукавым радку набярыце месца нараджэння выбранага вамі аўтара.
4. У акенцы, што з'явілася, націсніце + (дабавіць метку на карту).
5. Націснуўшы на аловак унізе акенца, вы можаце ўнесці карэктывы:

• у верхнім радку змяніце назву геаграфічнай кропкі на назву вашай установы;
• націсніце на значок фотаапарата, каб дабавіць фота пісьменніка;
• пад фота ўпішыце прозвішча, імя, імя па бацьку, год нараджэння / гады жыцця пісьменніка (каб перайсці на чырвоны радок, неабходна дадаткова адначасова націснуць дзве клавішы Shift + Ctrl);
• дайце спасылкі на біяграфію пісьменніка і яго творы;
• добра, калі змесціце спасылкі на аўтарскія матэрыялы, сустрэчы з пісьменнікам у вашай установе.

Калі ваша метка на карце ўжо пазначана, абавязкова прайдзіце рэгістрацыю, каб атрымаць сертыфікат удзельніка праекта https://docs.google.com/forms/d/e/1FAIpQLScWk-lZKMFvh74YDvIC5BF4UPOU8MQJvFTixWmS42_qhwvUIA/viewform?usp=sharing

З Палажэннем праекта можна азнаёміцца тут https://drive.google.com/file/d/1Z2gF_DDRN0EXtEPdVhnG4Sp5ELmLLVeG/view?usp=sharing

Створым Літаратурную карту Беларусі разам!