Літаратурны дыліжанс “Пад зоркай юбіляра”

Маргарыта Леанідаўна Лапко, загадчык бібліятэкі ДУА "Сярэдняя школа № 56 г. Мінска":

Увесь студзень адзначаем юбілей Івана Пятровіча Шамякіна! У нашым літаратурным дыліжансе “Пад зоркай юбіляра”, прысвечаным 105-годдзю з дня нараджэння народнага пісьменніка Беларусі, ужо прынялі актыўны ўдзел навучэнцы трэціх, чацвёртых, шостых, дзевятых, дзясятых і адзінаццатых класаў!

Наша падарожжа пачынаецца з прэзентацыі кніжнай выставы, якая і знаёміць удзельнікаў мерапрыемства з такім насычаным і цікавым жыццём Івана Шамякіна! Затым пераходзім да творчасці знакамітага земляка.

Для навучэнцаў 3-6 класаў арганізавалі гучныя чытанні апавядання пісьменніка-юбіляра “Бойка за хлеб” з абмеркаваннем прачытанага твора. Мерапрыемства заўсёды праходзіць вельмі эмацыянальна, таму што гэтае апавяданне заснавана на рэальных падзеях з жыцця Івана Пятровіча, і ўсе ўспрымаюць яго блізка да сэрца: як навучэнцы, так і настаўнікі, якія не застаюцца ўбаку і звычайна абмяркоўваюць сюжэт разам з намі.

А са старшакласнікамі гаворым пра такія кнігі юбіляра, як “Трывожнае шчасце”, “Сэрца на далоні”, “Вазьму твой боль” і іншыя, глядзім урыўкі з кінафільмаў па матывах гэтых твораў.

У нашых планах падарожнічаць з дапамогай Літаратурнага дыліжанса “Пад зоркай юбіляра” па жыцці і творчасці Івана Шамякіна ўвесь 2026 год!

Ксенія Аляксееўна Плятнёва, загадчык бібліятэкі сярэдняй школы № 180 г. Мінска імя У.І.Ермака: 

У бібліятэцы сярэднй школы № 180 г. Мінска імя У.І. Ермака вучні цікавяцца выставай да юбілею І. Шамякіна.