Родная мова - галоўная культурная каштоўнасць. Падводзім вынікі акцыі і сустракаем Міжнародны дзень роднай мовы

Мова родная мая, 

Чыстая крыніца.

Асалоду дорыць

Мне твая вадзіца. 

Як прамень празрысты, 

Як зара ўночы

Спеў твой светлы, чысты,

Як дзявочы вочы. 

Дай жа сілу, веру,

Піць - і не напіцца,

Мова родная мая, 

Годнасці крыніца!

К.А.Плятнёва, 

загадчык бібліятэкі ДУА “Сярэдняя школа N180 г.Мінска імя Ў.І.Ермака”

Напярэдадні Міжнароднага дня роднай мовы, які адзначаецца штогод 21 лютага, мы падводзім вынікі міжрэгіянальнай сеткавай акцыі "Люблю свой край".

Мы ўжо пачалі святкаваць Дзень роднай мовы! А вы?

Краска да краскi - дзiўны вяночак. 

Казка да казкi - слухай, сыночак.

 Песнi, паданнi любай старонкi. 

Слухай гучанне роднай гамонкi. 

Сэрцам спасцiгнi шчырыя словы, 

Сiлу i ласку матчынай мовы.

Вельмі хутка мы будзем святкаваць Міжнародны дзень роднай мовы і падвядзём вынікі міжрэгіянальнай сеткавай акцыі "ЛЮБЛЮ СВОЙ КРАЙ". 

Але Дзень роднай мовы - гэта не аднадзённае свята...

Хутка Дзень роднай мовы і падвядзенне вынікаў акцыі "Люблю свой край"!

 

Родная мова - галоўная культурная каштоўнасць любой нацыі! І беларусы не выключэнне!

Традыцыйна напярэдадні свята Міжнароднага дня роднай мовы на пляцоўцы нашага рэсурса мы збіраем унікальны аўтэнтычны матэрыял, каб паказаць, што беларуская мова жыве, традыцыі беларусаў прывабліваюць, пачуццё любові да роднага слова кранае сэрцы нашых дзяцей.

Запрашаем далучыцца да акцыі з нагоды Дня роднай мовы!

Я - беларус, і я шчаслівы, 

Што маці мову мне дала, 

Што родных песень пералівы

І зблізку чую, і здаля. 

Н. Гілевіч

Штогод 21 лютага ва ўсім свеце адзначаецца Міжнародны дзень роднай мовы (International Mother Language Day).

Гэтае свята, абвешчанае 17 лістапада 1999 года на 30-й сесіі ЮНЕСКА, накіравана на заахвочванне моўнай разнастайнасці і шматмоўнай адукацыі, падтрымку нацыянальных моў і культур, захаванне нацыянальнай адметнасці і самабытнасці, забеспячэнне права кожнага чалавека карыстацца роднай мовай.

Запрашаем да ўдзелу ў сеткавай акцыі з нагоды Міжнароднага дня роднай мовы

Родная мова - галоўная культурная каштоўнасць

Запрашаем прыняць удзел у штогадовай сеткавай акцыі да Міжнароднага дня роднай мовы, што адзначаецца 21 лютага.

Тэма акцыі сёлета - любоў і павага да Беларусі, да яе звычаяў і традыцый. 

Мэта акцыі "Люблю свой край" - абуджэнне пачуцця павагі да роднай мовы як галоўнай культурнай каштоўнасці праз творы беларускіх аўтараў пра родны край.

Акцыя ажыццяўляецца рэсурсным цэнтрам "Школьная бібліятэка ХХІ стагоддзя" ДУА "Сярэдняя школа № 1 г. Мінска імя В.П.Чкалава" ва ўзаемадзеянні з сеткавай супольнасцю школьных бібліятэкараў г.Мінска” і гарадскім клубам школьных бібліятэкараў "Буквіца". Каардынатар акцыі - цэнтр ідэалагічнай, выхаваўчай і сацыяльнай работы дзяржаўнай установы адукацыі “Мінскі гарадскі інстытут развіцця адукацыі” ў супрацоўніцтве з упраўленнем па адукацыі адміністрацыі Кастрычніцкага раёна горада Мінска.