Не саромся, беларус, гаманіць па-свойму - на роднай мове бацькоў дзядоў сваіх. Шануй сваю мову, шануй свае песні, свае казкі, звычаі і ўсё роднае - гэта спадчына дзядоў і вялікі нацыянальны скарб...
Змітрок Бядуля
17 лютага бібліятэка сталічнай сярэдняй школы запрасіла да сябе вучняў 5-7класаў на літаратурную гадзіну, прысвечаную Міжнароднаму дню роднай мовы.
Вядучымі былі Дар'я Дубінец, вучаніца 8 "Б"класа, і Дзіма Ярашэвіч, вучань 8 "В"класа.
Прагучалі вершы Якуба Коласа, Янкі Купалы, М.Багдановіча, М.Танка, Э.Агняцвет і іншых паэтаў Беларусі.
Вучні змаглі паглыбіць свае веды аб беларускім фальклоры. Удзельнічалі ў віктарыне, успомнілі лічылкі, пацешкі, загадкі, змаглі даведацца аб узнікненні назваў рэчаў народнага быту сваіх продкаў. Успомнілі песні на беларускай мове.
Размаўляй па-беларуску, бо заўтра наша мова табе, тваім дзецям і ўнукам стане неабходнай.
Шчаслівымі і цікавымі момантамі, любоўю павагай да роднай мовы запомнілася дзецям гэтая літаратурная гадзіна.
Загадчык бібліятэкі
ДУА "Сярэдняя школа N 54 г.Мінска
імя Я.У.Клумава"
Людміла Віктараўна Пыж
Комментариев нет:
Отправить комментарий