Шаноўныя аматары роднай мовы і беларускай казкі!
Вашае жаданне дзяліцца цікавымі знаходкамі і таленавітымі чытачамі дорыць крылы і натхняе іншых. Гляджу на нашу агульную працу і разумею, што гэта недарма. Як жа ж здорава, што ёсць такая магчымасць пабачыць на свае вочы плённую працу, якая аб'ядноўвае дарослых і дзяцей з усёй краіны! Я знаходжуся ў поўным захапленні ад палёту вашых фантазій і ад вашых творчых работ!
Акцыя "Беларуская казка - розуму падказка" выходзіць на фінішную прамую, застаецца ўсяго некалькі дзён для размяшчэння работ у адной ці некалькіх з 8 намінацый. Напрыканцы тыдня пачнецца падвядзенне вынікаў. Таму прагледзьце, калі ласка, каб вашы работы былі правільна падпісаны ў адпаведнасці з нормамі беларускай мовы.
Па ўсіх пытаннях можна звяртацца на адрас электроннай пошты бібліятэкі ДУА "Сярэдняя школа № 1 г.Мінска імя В.П.Чкалава" biblio.sch1@minsk.edu.by ці на электронны адрас нашага блога "Школьныя бібліятэкары горада Мінска" sch.biblio@yandex.by.
А на сённяшні дзень рэгістрацыю прайшлі больш за 100 чалавек, якія размясцілі ў агульнай колькасці на дошцы Padlet амаль 150 работ.
Спяшайцеся далучыцца!
Комментариев нет:
Отправить комментарий